Instalazioak
Gure eskolak instalazio funtzionalak ditu, ikasleen hezkuntza-beharretara egokituak, bi eraikinetan eta kanpoko eremu zabaletan banatuak.
Eraikin nagusian:
Lehen hezkuntzako ikasleen gelak daude, baita erabilera komuneko eta espezifikoko espazioak ere, hala nola ingeleseko, informatikako, musikako eta indartzeko eta/edo laguntzeko gelak, irakasleak koordinatzeko gelak, jantokia eta zuzendaritza- eta administrazio-gunea.
Eraikin honetan honako hauek ere aurkituko ditugu:
- Liburutegia, ikasteko baliabideekin antolatutako gunea, ikasleei aukera-berdintasuna eskaintzen diena, informazioa eskuratzeari, irakurtzeari eta kulturari dagokienez. Era berean, ikasleen beharrei erantzuten dieten irakaskuntza- eta ikaskuntza-prozesuak, gizarte-, kultura- eta hezkuntza-interakzioak gertatzen diren lekua da.
- “Lasai gela“. Komunikazio-gune bat, ikasleen gatazkak banaka kudeatu ahal izateko, horretarako behar den denbora izanik.
- Psikomotrizitate-gela bat. Mugimendurako, gorputz adierzpenerako eta jolasaren atseginerako espazio bat, bere adierazpen guztietan, ikasleen nortasuna eraikitzen laguntzen duena.
- Jolas-gela. momentu eta jolas libreko uneetan erabiltzen den espazioa, adin desberdinetara egokitutako materialarekin, haien konfiantza sendotzen duten esperientzia positiboak eskainiz, haien jakin-mina piztuz eta norberaren pentsamendua eraikitzeko esplorazioa eta ikerketa erraztuz
Haur Hezkuntzako eraikinean:
Haur hezkuntzako gelez eta irakasleak koordinatzeko gela batez gain, honako hauek daude:
- Psikomotrizitate-gela bat. Mugimendurako, gorputz adierzpenerako eta jolasaren atseginerako espazio bat, bere adierazpen guztietan, ikasleen nortasuna eraikitzen laguntzen duena.
- Erabilera anitzeko gela: zirkulazio libreko beste espazio bat bezala erabiltzen dena, desdobleak, tailerrak eta jarduera ezberdinak antolatzez gain.
Kanpoko aldeak
Patio zabal eta irekia, hainbat eremurekin:
- Naturako elementuekin jolasteko gune bat, mugitzeko aukera ugari eskaintzen dituena eta haur bakoitzak bere lekua aurkitzen duena.
- Estalitako espazioa zabuekin.
- Eremu zabala hainbat jolas garatzea sustatzen duena.
- Kirol-gune estali bat, euri-egunetan ez ezik, jolas arautuetarako eta gorputz-hezkuntzako saioetarako ere erabiltzen dena.
- Naturgune txiki bat (haur-hezkuntzako eraikinaren atzean), non txikienek deskubritu, miretsi, esploratu eta sortu dezaketen.
- Eskolako baratzea obretan oraingoz
Gune horiez guztiez gain, udalak gimnasioa eta kiroldegia erabiltzen uzten digu hainbat jarduera egiteko.
Zerbitzuak
GOIZEKO ZAINTZA
Gure eskolan goizeko zaintza zerbitzua eskaintzen dugu, Guraso Elkarteak kudeatua, beharren arabera. Zerbitzua ikasturteko eskola-egunetan ematen da goizez 08:30tik – 09:30etara, haur-hezkuntzako ikasleentzako psikomotrizitate-gelan eta lehen hezkuntzako ikasleentzako jolas gelan, begirale batek edo bik gainbegiratuta, eskariaren arabera.
Zerbitzu hori erabili ahal izateko, guraso-elkartearekin harremanetan jarri behar da.
GARRAIOA
Gure ikastetxeak doako zerbitzu hau eskaintzen die udalerri hauetan erroldatutako ikasle guztiei:
| UDALERRIA / MUNICIPIO | HERRIA / PUEBLO |
| ALEGRÍA DULANTZI | EGILETA |
| BARRUNDIA | MENDIXUR |
| BURGELU / ELBURGO | AÑUA, ARBULO, ARGOMANIZ, BURGELU (ELBURGO), GAZETA, IXONA (HIJONA) |
| DONEMILIAGA/ SAN MILLÁN | ADANA, TXINTXETRU, URIBARRI-JAUREGI |
| IRURAIZ – GAUNA | ARRIETA, AZILU, ERENTXUN, EZKEREKOTZA, GAUNA, GEREÑU, JAUREGI, TROKONIZ |
| VITORIA- GASTEIZ | ABERASTURI, ANDOLLU, ARGANDOÑA, MATAUKO, OREITIA, VILLAFRANCA, ESTIBALIZ |
Herrietako ibilbideak urtero antolatzen dira, beharren eta matrikulen arabera.
JANTOKIA
Jantokia, gure instalazioetan egindako janari osasuntsu eta orekatua eskaintzen duen hezkuntza-gunea da, etxeko sukaldaritzaren sistema tradizionalarekin, nutrizionistek gainbegiratutako eta erabiltzaileen beharretara egokitzen diren menuekin. Hori prestatzeko Magui Sukalde Zentralaren laguntza dugu, eta hark aldian-aldian ikuskatzen du prozesu guztia, egindako janarien kalitatea eta segurtasuna bermatuz. Erabiltzaileei begiraleek ematen diete arreta. Begirale horiek ezinbestekoak dira jantokiak behar bezala funtzionatzen duela bermatzeko, eta ikastetxearekin koordinatuta lan egiten dute, taldearen eta ikastetxearen arteko irizpideen batasuna bermatuz. Gure jantoki-zerbitzua ikasle guztiek erabil dezakete, eta hainbat txandatan antolatzen da, ikastetxearen beharren arabera. 2 eta 3 urteko ikasleei siesta zerbitzua eskaintzen zaie. Mahaikideentzako kuotak aldakorrak dira, eta zerbitzuaren erabileraren maiztasunaren arabera doitzen dira. (Hemen jantokiko kuotetarako esteka bat)
ESKOLAZ KANPOKO EKINTZAK
Guraso Elkarteak antolatzen dituen eskolaz kanpoko jarduerek ikasleen prestakuntza integrala bultzatu nahi dute, denbora librea aprobetxatzen lagundu, sozializatzeko, ikasteko, eta batez ere, gozatzeko aukera emanez.